النهارده هنتكلم عن
عشرة أسرار في سيكولوجية المرأة القوية
؛ أول هذه الأسرار هو أن تعرف قيمتها وبأنها متستناش رأي حد عشان تعرف إنها جميلة وقيمة، ورأيها في نفسها جاي من جوه أعماقها. والسر الثاني هو متخافش من الوحدة؛ مش بتخاف تكون لوحدها، ولو فيه حد بيستنزف سلامها بتبعد وبتحافظ على سلامها الداخلي. والسر الثالث هو بتحط حدود واضحة؛ بتعرف إمتى توافق وإمتى ترفض وتقول لأ، ومبتسمحش لحد يستغلها باسم الحب والصداقة، فالحدود مش قسوة لكن احترام للذات.
أما السر الرابع فهو بتعرف تتحكم في ردود أفعالها؛ بتسيطر على النفس وقوتها في السيطرة على الآخرين، مش بتاخد قرار وهي غضبانه ولا بتتسرع، لكن بتبقى هادية وبتاخد القرار المناسب. والسر الخامس هو مش بتهتم إنها تثبت نفسها طول الوقت للي حواليها وتبرر أفعالها ليهم، ومش محتاجة تدافع عن نفسها طول الوقت. والسر السادس هو بتتعلم من الألم ومش بتعيش فيه؛ كل تجربة بتشكلها من جديد وبتحول الألم لخير، وبتتعلم من كل تجربة درس يخليها تكمل مش تنهار.
والسر السابع هو عندها أهداف خاصة بيها؛ مش أحلام حد تاني بتحاول تعيش جوه دايرته تحققها له، بل بتبني مستقبلها وتطور نفسها وتحاول تحقق أحلامها. والسر الثامن هو بتختار دائرتها الخاصة؛ مش أي حد يدخل دائرتها وتبقى له علاقة معاها، دايماً بتدقق في أفعال الشخص اللي بيكلمها مش بتهتم بكلماته، لأن فيه ناس بتمتص طاقتنا وتغير تفكيرنا، عشان كده بتختار الشخصيات اللي حواليها زي المثل اللي بيقول اختيار الصديق قبل الطريق، لأن داييرتك بتحدد مستقبلك وبعد فترة بتبقي شبههم.
والسر التاسع هو تجمع بين القوة والرحمة؛ القوة مش معناها القسوة والجمود، لكن معناها الحزم وقت الحاجة، لكن بدون فقد الإنسانية، دايماً بتطور من نفسها وتقرأ وتتعلم وتاخد كورسات وتقيم نفسها وتشوف العمل الفاشل بسياق كل فترة، والتطوير دايماً بيكتب رحلة ممتدة معانا لآخر يوم في عمرنا. والسر العاشر والأخير هو افتكري دايماً إن فيه أفضل نسخة منكِ لسه مجتش، وحاولي دايماً توصلي لأحسن نسخة من نفسكِ، المرأة القوية زي طائر العنقاء بتنزل لكي تقوم نفسها من ثاني، بتنكسر لكي تعرف تعالج جروحها وتستمد قوتها من جواها، دايماً بتشوف نفسها قوية وناجحة وهتبقى أفضل لأنها تستحق الأفضل.
حطى دايما حدود لرأى الناس فيكى وفى شخصيتك..ومتخليش رأيهم هو اللى يحدد قيمتك.واستثمرى فى شخصيتك وتطوير عقلك ولغاتك…اقرى كتييير شخصيتك هتبقى احلى بكتير…
اللى يعرفك مش هيصدق ان انتى نفس الشخص اللى عاش معاه كتير من كتر جمال عقلك وثقافتك…لما بتقرى كتير بتتغير افكارك ومعتقداتك وعاداتك ….هتحبى نفسك من كتر حب اللى حواليكى ليكى.
لما بتتغيرى بتبقى قوه لاتقهر …اللى حواليكى مش بيقدروا يتجاهلوكى… وهتبقى مصدر الهام ليهم….دايما قومى من رمادك زى طائر العنقاء وابتدى من جديد لانك تستحقى حياه افضل.
